| source Universitetet i Bergen (X) |
level |
department Datalingvistikk (X) |
Haust/vår. Engelsk ved behov . Emnet er ope for alle med studierett ved Universitetet i Bergen. Kurset tek utgangspunkt i datastrukturar og algoritmar. Særleg tek kurset føre seg datastrukturar for representasjon av språk (lister, symbol, strengar, teikn) og algoritmar for søkjestrategiar (djupn først, breidd først, osv.) som er vanlege i datalingvistisk og språkteknologisk programmering. Det blir lagt opp til ein gjennomgåande funksjonell og rekursiv programmeringsstil. Vidare blir det lagt vekt på skilnaden mellom programutvikling ovanfrå-ned og nedanfrå-opp. I utgangspunktet blir same programmeringsspråket som på DASP104 nytta. Studenten skal lære effektiv bruk av ei programmeringsomgiving på datamaskin for skriving og testing av program. Dette emnet er eigna som eit generelt tverrfagleg tilbod til studentar som vil bruke komputasjonelle teknikkar, særleg kunstig intelligens og problemløysing basert på søking. Målet for kurset er å gje studenten eit datafagleg grunnlag i datastrukturar og algoritmar, særleg med omsyn til søkjestrategiar. Kurset gjev eit metodegrunnlag for vidare kurs i datalingvistikk og språkteknologi, og ein praktisk dugleik i programmering som kan nyttast innanfor eit vidt spekter av IT-problemstillingar, m.a. kunstig intelligens. Ingen. Det er ein føremon om studenten har noko øving i å bruke tastaturet. Førelesingar og øvingar på datamaskin. Om lag 2 timar pr. veke. Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september. Gjennom semesteret får studentane eit sett med praktiske øvingsoppgåver på datamaskin. Desse oppgåvene blir vurderte samla som godkjend/ikkje godkjend. Semesteroppgåve som skal vere eit dataprogram på ca. 12-16 KB. Oppgåva skal vere rettleidd. Karakterskala A-F. Evaluering av tilbodet vert gjennomført i tråd med UiBs kvalitetssikringssystem. Institutt for lingvistiske, litterære og estetiske studium E-post: studierettleiar@lle.uib.no Bergen
Score: 13.442498 Details | Listing | Web page
Vår Engelsk ved behov. Emnet er ope for alle med studierett ved Universitetet i Bergen. Emnet gjev ei innføring i sentrale teknikkar for beskriving og prosessering av kompleks grammatisk informasjon. Sentrale omgrep er: trekkstrukturar og DAGs (retta asykliske grafar) for syntaktisk, semantisk og pragmatisk representasjon: tilhøvet mellom grammatikkreglar og eit trekkbasert leksikon: unifikasjonsbaserte grammatikkar og parsing: LFG (ein unifikasjonsbasert grammatikkformalisme): bruk av ei utviklingsplattform for komputasjonelle grammatikkar av industriell storleik basert på LFG. Dette emnet eignar seg også for studentar på allmenn lingvistikk og språkfaga. Kurset skal setje studenten i stand til å forstå relasjonen som ein formell grammatikk definerer mellom setningar og strukturelle representasjonar, særleg trekkstrukturar og DAGs. Studenten skal kjenne minst ein metode til å implementere DAG-unifikasjon i eit programmeringsspråk, og han/ho skal vite korleis unifikasjonsbaserte metodar vert nytta til å analysere komplekse språklege fenomen innanfor ein lingvistisk teori. Studenten skal også setjast i stand til å bruke spesifikke verktøy for skriving og testing av ikkje-trivielle grammatikkar. Ingen Undervisninga føreset kunnskapar som svarar til Språk og kommunikasjon eller tilsvarande, og studentane blir difor rådde til å ha avlagt denne prøva før studiet i datalingvistikk. Vidare byggjer emnet på kunnskapar tilsvarande DASP104, og DASP108 blir også tilrådd. Førelesingar og øvingar på datamaskin. Om lag 2 timar pr. veke. Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september. Gjennom semesteret får studentane eit sett med praktiske øvingsoppgåver på datamaskin. Desse oppgåvene blir vurderte samla som godkjend/ikkje godkjend. Skriftleg slutteksamen på 6 timar. Eksamen kan omfatte ei oppgåve på datamaskin. . Karakterskala A-F. Evaluering av tilbodet vert gjennomført i tråd med UiBs kvalitetssikringssystem. Institutt for lingvistiske, litterære og estetiske studium E-post: studierettleiar@lle.uib.no Bergen
Score: 13.442498 Details | Listing | Web page
Vår Engelsk ved behov. Emnet er ope for alle med studierett ved Universitetet i Bergen. Emnet gjev ei innføring i beskrivingsmåtar og metodar for analyse av språkleg innhald. Innhaldet i kurset omfattar i hovudsak unifikasjonsbaserte representasjonar i form av trekkstrukturar og termar, komposisjonell semantikk, tolking av semantiske strukturar mot ein database, tolking av kvantorar og konjunksjonar, slutningsreglar, disambiguering og tolking i kontekst, og dialogsystem som naturleg-språkleg grensesnitt mot databasar. Målet for kurset er å gje ei vitskapeleg innføring i prinsipp, representasjonar og algoritmar for automatisk meiningsbasert tolking av språk.Kurset gjev ei innføring i programmeringsmetodikk for representasjon av semantisk informasjon, semantiske restriksjonar, og diskursfenomen. Studentane skal setjast i stand til å lese og vurdere faglitteratur på feltet og til å utvikle og arbeide med praktiske implementasjonar. Ingen 60 stp. i eit språkrelatert fag: DASP101: DASP104.Vidare blir DASP201 tilrådd før eller samstundes med dette emnet. Førelesingar, øvingar på datamaskin og rettleidd oppgåve. Om lag 2 timar pr. veke. Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september. Rettleiing i samband med skriving av semesteroppgåva er obligatorisk, og skal minst ha omfang av eitt rettleiingsmøte der rettleiar har fått lese utkast til oppgåva. Semesteroppgåve i form av programmeringsoppgåve etterfølgd av munnleg eksamen. I karakteren for emnet tel semesteroppgåva 2/3 og munnleg 1/3. Karakterskala A-F. Evaluering av tilbodet vert gjennomført i tråd med UiBs kvalitetssikringssystem. Institutt for lingvistiske, litterære og estetiske studium E-post: studierettleiar@lle.uib.no Bergen
Score: 13.442498 Details | Listing | Web page
Vår Engelsk ved behov. DASP106 (5 stp.). Krav om gyldig studierett på masterprogrammet i datalingvistikk og språkteknologi eller masterprogrammet i lingvistikk ved UiB. Kurset tek føre seg deskriptive og eksploratoriske statistiske og andre kvantitative metodar som kan nyttast i arbeid med språklege problemstillingar. Vidare tilbyr kurset ei rettleiing i praktisk bruk av datamaskinelle verktøy for desse metodane. Dette emnet eignar seg for studentar på veg inn i eit masterstudium eller doktorgradsstudium innanfor eit språkleg emne eller innanfor eit emne innanfor humanistisk informasjonsteknologi. Studenten skal vere i stand til å forstå statistikkutsegner i litteraturen, setje opp hypotesar som kan etterprøvast med kvantitative metodar, velje kvantitativ metode i høve til eigen analyse og gjennomføre praktiske utprøvingar, vurdere tilhøvet mellom kvantitativ og kvalitativ metodikk, tolke eit statistikkresultat i høve til ein hypotese, og bruke eit statistikkprogram på datamaskin. Vidare skal studenten forstå bidrag av statistiske metodar til datalingvistiske metodar og språkteknologiske bruksområde. Ingen Det blir tilrådd at studenten har avlagt ex.fac.-varianten Språk og kommunikasjon eller tilsvarande: samt 60 stp. i eit språkrelatert fag eller humanistisk informatikk. Førelesingar og øvingar på datamaskin. Om lag 2 timar pr. veke. Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september. Det er obligatorisk innlevering av to øvingsoppgåver til tidsfristar som vert fastsett for kvart undervisningssemester. Innlevering av nr. 2 føreset at nr. 1 er godkjend. Desse oppgåvene blir vurderte samla som greidd/ikkje greidd. Skriftleg slutteksamen på 4 timar, med karaktervurdering. For å kunna framstilla seg til slutteksamen må dei obligatoriske aktivitetane vera utførde. Karakterskala A-F. Evaluering av tilbodet vert gjennomført i tråd med UiBs kvalitetssikringssystem. Institutt for lingvistiske, litterære og estetiske studium E-post: studierettleiar@lle.uib.no Bergen
Score: 13.442498 Details | Listing | Web page
Vår Engelsk ved behov. Krav om gyldig studierett på masterprogrammet i datalingvistikk og språkteknologi eller masterprogrammet i lingvistikk ved UiB. Ut frå tekstteori, argumentasjonsanalyse og sjangeranalyse, gir kurset ei innføring i oppbygging og språkbruk i lingvistiske og datalingvistiske artiklar skrivne på norsk og på engelsk. Vidare omtalar kurset bruk og oppsett av referansar, val av tittel, og samandrag. Kurset legg vekt på lingvistisk terminologi og kurant vitskapleg språkbruk i lingvistiske fag. Kurset sitt innhald inkluderer også effektiv bruk og grafisk framstilling av spesielle tekstelement med særleg relevans for lingvistiske fag, m.a. lingvistiske eksempel med omsetjingar og gloser, flytediagram (flowcharts), dataframstilling i tabellar, trestrukturar, grafisk output frå statistisk programvare, f.eks. SPSS, fonetisk skrift og framande alfabet, dataprogram og matematiske formlar. Språkvitskapleg skriving er retta mot master- og ph.d . -studentar innan lingvistikk, datalingvistikk og språkfaga. Studentane skal tileigne seg ein skrivemåte som passar til vitskapelege artiklar, masteroppgåver og ph.d -avhandlingar etter tekstteoretiske prinsipp og skrivetradisjonen i lingvistiske fag. Læringsmåla inkluderer både kunnskapar om tekstteori, sjanger, språkbruk og argumentasjon, og dugleik m.o.t. tekstoppbygging og grafisk framstilling. Startgrunnlaget er opptak som master- eller ph.d -student. Undervisning blir gitt i form av førelesingar, diskusjonsseminar og praktiske øvingar. Studentane skal: analysere tekstar og skilje mellom passande og mindre passande oppbygging, språkbruk, argumentasjon og visuell framstilling korrigere problematisk språkbruk og lingvistisk terminologi (norsk og engelsk) i utkast til tekstar lage ein større tekststruktur og bygge opp ein argumentasjon ut frå ei språkvitskapleg problemstilling. velje ein tittel og lage eit samandrag for ein språkvitskapleg tekst Studentane skal på ein effektiv måte framstille og bruke følgjande element i argumentasjonen: lingvistiske eksempel med gloser og omsetjingar formlar og tabellar trestrukturar, flytediagram og andre figurar dataprogram og lister fonetisk skrift og framande alfabet Om lag 2 timar pr. veke. Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september. For å ha rett til å levere eksamensarbeid skal kvar student på seminaret presentere sitt eige opplegg for / utkast til ein artikkel, ei masteroppgåve eller avhandling. Presentasjonen skal skje i same semesteret som eksamensmeldinga. Studenten skal skrive ein individuell sjølvstendig tekst som eksamensarbeid. Arbeidet skal dokumentere at studenten har tileigna seg kunnskapar og dugleik i tråd med emnets målsettingar. Omfanget skal vere omlag 3000 ord. Bestått/ ikkje bestått. Evaluering av tilbodet vert gjennomført i tråd med UiBs kvalitetssikringssystem. Institutt for lingvistiske, litterære og estetiske studium E-post: studierettleiar@lle.uib.no Bergen
Score: 13.442498 Details | Listing | Web page
Haust/vår. Norsk Krav om gyldig studierett på masterprogrammet i datalingvistikk og språkteknologi ved UiB. Masteroppgåva skal vere eit vitskapleg arbeid innanfor eit datalingvistisk eller språkteknologisk emne. Val av emne for masteroppgåva må godkjennast av fagmiljøet. Det må falle innanfor dei områda der fagmiljøet sjølv eller ein ekstern partnar har eller kan skaffe den naudsynte kompetansen og det naudsynte utstyret. Målet er å gje studenten høve til å utforske ei datalingvistisk eller språkteknologisk problemstilling i djupna, og til å formidle resultata skriftleg og munnleg. Masteroppgåva skal kvalifisere studenten til å drive forsking innanfor datalingvistiske og språkteknologiske emne. Ingen Bachelorgrad med spesialisering i datalingvistikk og språkteknologi. I arbeidet med masteroppgåva vil studenten få tildelt ein rettleiar av fagmiljøet. Undersøkinga til masteroppgåva kan også gjerast under eit opphald utanfor instituttet, til dømes ved eit anna universitet eller forskingssenter. I det høvet kan studenten bli tildelt både ein intern og ein ekstern rettleiar. Student og rettleiar skriv båe under ein rettleiingskontrakt. Før den munnlege slutteksamenen skal studenten ha halde eit føredrag (seminarinnlegg) på eit instituttseminar. Studenten skal formidle det vitskaplege området i masteroppgåva, problemstilling, metode, gjennomføring, resultat og konklusjon. 1. Skriftleg masteroppgåve med karaktervurdering. Resultatet av undersøkinga skal leggjast fram i form av eit program på datamaskin og i tillegg ei skriftleg framstilling i form av ei oppgåve på ca. 50 - 120 sider (pluss ev. vedlegg). Oppgåva skal greie ut om programmet og den plassen det har innanfor det aktuelle emnet, og relatere dette til pensumlitteraturen. Det blir stilt krav om originalarbeid på datamaskin, til ytinga av programmet, til datamaskinelle og lingvistiske teknikkar i programmet, til vitskapleg metode og til verdien av oppgåva som vitskapleg framstilling. 2. Munnleg eksamen, som kan justere karakteren med éin verdi. Karakterskala A-F. Evaluering av tilbodet vert gjennomført i tråd med UiBs kvalitetssikringssystem. Institutt for lingvistiske, litterære og estetiske studium E-post: studierettleiar@lle.uib.no Bergen
Score: 13.442498 Details | Listing | Web page